Maratha Reservation : संभाजी भिडे धावले शिंदे सरकारच्या मदतीला, जरांगेंना काय दिला मेसेज?
मराठा आरक्षण : संभाजी भिडे यांनी मनोज जरांगे पाटलांची भेट घेतली. यावेळी त्यांनी उपोषण मागे घेण्याची विनंती केली.
ADVERTISEMENT
Sambhaji bhide Manoj Jarange Maratha Reservation : मराठा आरक्षण देण्याच्या मागणीसाठी मनोज जरांगे पाटील उपोषण करताहेत. सरकारकडून त्यांच्या मनधरणीचे प्रयत्न सुरू आहेत, पण अद्याप यश आलेलं नाही. अशातच शिव प्रतिष्ठानचे संभाजी भिडे यांनी मनोज जरांगे यांची भेट घेऊन त्यांना उपोषण थांबवण्याचे विनंती केली. या भेटीकडे संभाजी भिडे शिंदे सरकारच्या मदतीला धावल्याचे म्हणून बघितले जात आहे. तशी चर्चा आता राजकीय वर्तुळात सुरू झालीये. (Sambhaji Bhide meets Manoj Jarange)
आंतरवली सराटी येथे जाऊन संभाजी भिडे यांनी मनोज जरांगे पाटील यांची भेट घेतली. यावेळी त्यांनी मनोज जरांगे यांना त्यांनी उपोषण थांबवण्याची मागणी केली. यावेळी भिडेंनी मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांचं तोंडभरुन कौतुक केलं.
मनोज जरांगेंना संभाजी भिडेंनी काय सांगितलं?
संभाजी भिडे मनोज जरांगेंना म्हणाले की, “ज्ञानोबा-तुकोबा, एकनाथ-नामदेव, सावता माळी-गोरा कुंभार, विठ्ठल रुखमाईचा निरोप घेऊन आलोय. मी राजकारणी नाही. ज्याला काही मिळत नाही, त्या मुर्ख माणसाला जी काही उपमा असेल, ते नाव मी. आम्ही देश, देव, धर्मासाठी काम करणारे आम्ही तुमच्यासोबत आहोत. तेही ही समस्या संपेपर्यंत. आम्ही केवळ देखाव्यासाठी आलेलो नाही”, असे संभाजी भिडे हे मनोज जरांगे यांना म्हणाले.
हेही वाचा >> Maratha Reservation : असा आहे मराठा आरक्षणाचा इतिहास?
“मराठा समाजाला पाहिजे तसं आरक्षण मिळत नाही, तोपर्यंत आम्ही तुमच्या पाठिशी आहोत. या निश्चयाने आम्ही तुमच्याबरोबर उभे आहोत. तुम्ही जे करताय ते 101 टक्के योग्य करता आहात. हा प्रश्न आता राजकारण्यांच्या हातात आहे आणि जोपर्यंत त्यांच्या हातात हा प्रश्न आहे, तोपर्यंत शेवाळावरून चालण्यासारखं आहे”, संभाजी भिडे यांनी मनोज जरांगे यांना सांगितलं.
हे वाचलं का?
