10 वर्षीय मुलीसोबत घृणास्पद कृत्य! शाळेत जात असताना बळजबरीने कारमध्ये ओढलं अन् 2 तास...
एका 10 वर्षीय मुलीसोबत घृणास्पद कृत्य करण्यात आल्याची धक्कादायक बातमी समोर आली आहे. पीडितेचं अपहरण करून तिच्यावर लैंगिक अत्याचार करण्याचा आरोपींनी प्रयत्न केला. संबंधित घटनेने परिसरात एकच खळबळ उडाली आहे.
ADVERTISEMENT
बातम्या हायलाइट
10 वर्षीय मुलीसोबत घृणास्पद कृत्य!
वाटेतच पीडितेला बळजबरीने कारमध्ये ओढलं अन् 2 तास...
Crime News: उत्तर प्रदेशातील मेरठ येथे एका 10 वर्षीय मुलीसोबत घृणास्पद कृत्य करण्यात आल्याची धक्कादायक बातमी समोर आली आहे. पीडितेचं अपहरण करून तिच्यावर लैंगिक अत्याचार करण्याचा आरोपींनी प्रयत्न केला. संबंधित घटनेने परिसरात एकच खळबळ उडाली आहे. पोलिसांनी या प्रकरणातील आरोपींना तातडीने अटक करून त्यांच्याविरुद्ध कारवाई करण्यात आली आहे. आरोपी तरुण हा दिल्लीत DTC बस ड्रायव्हर म्हणून कार्यरत असल्याची माहिती आहे.
पीडितेवर बलात्कार करण्याचा प्रयत्न
मिळालेल्या माहितीनुसार, शनिवारी सकाळी 10.30 वाजताच्या सुमारास ही घटना घडली. प्रकरणातील पीडिता ही कंकर खेडा पोलीस स्टेशन हद्दीतील रहिवासी असून ती तिसऱ्या इयत्तेत शिकत होती. मुलगी नेहमीप्रमाणे तिच्या शाळेत जात असताना वाटेत एका व्यक्तीने तिच्याजवळ कार थांबवून तिला बळजबरीने गाडीत ओढलं. आरोपीने मुलीला सुमारे दोन तास ओलीस ठेवलं आणि तिच्यावर बलात्कार करण्याचा प्रयत्न केला.
पोलिसांनी दिलेल्या माहितीनुसार, आरोपीने गंभीररित्या जखमी झालेल्या मुलीला रस्त्याच्या कडेला फेकून दिलं आणि घटनास्थळावरून फरार झाला. संबंधित पीडितेच्या कुटुंबाची आर्थिक परिस्थिती बिकट असल्याचं सांगण्यात येत आहे. सात वर्षांपूर्वीच मुलीच्या वडिलांचं निधन झालं असून तिची आई मजूरी करून कुटुंबियांचा उदरनिर्वाह करते. घटनेनंतर, मुलीची मेडिकल तपासणी करण्यात आली आहे.
हे ही वाचा: मुंबईची खबर: मुंबईकरांसाठी दिलासा! लोकल ट्रेन वेळेवर धावणार; विलंब कमी होणार, नवीन कॉरिडोरविषयी जाणून घ्या...
संबंधित प्रकरणाचं गांभीर्य लक्षात घेऊन पोलीस प्रशासनाने त्वरीत चार पथके तयार केली. तपासादरम्यान, पोलिसांनी परिसरातील CCTV फुटेज तपासले आणि त्यावरून घटनेत वापरण्यात आलेली कारची ओळख पटवण्यात आली. या माहितीच्या आधारे पोलिसांनी भमोरी गावातील रहिवासी असलेल्या फूल कुमार नावाच्या आरोपीला अटक केल्याचं सांगण्यात येत आहे.
हे वाचलं का?
