वडिलांचे निधन अन् लग्नाला नकार

साखरपुड्यानंतर दोघांमध्ये भेटीगाठी वाढल्या. शिक्षिकेचा असा आरोप आहे की, या काळात आरोपीने लग्नाचे खोटे आश्वासन देऊन तिच्या इच्छेविरुद्ध अनेकदा शारीरिक संबंध ठेवले आणि तिचे आक्षेपार्ह व्हिडिओही बनवले. या सर्व प्रकाराला तिने विरोध केला असता, आरोपीने लवकरच लग्न करणार असल्याचे सांगून तिला शांत राहण्यास भाग पाडले. मात्र, काही काळाने पीडितेच्या वडिलांचे निधन झाले, ज्याचा फायदा घेत आरोपीने लग्न करण्यास स्पष्ट नकार दिला आणि दुसरीकडे लग्न ठरवले.

हे ही वाचा : पोलिसांनी उपोषणस्थळावरुन ताब्यात घेतल्यानंतर सोनम वांगचुक यांची पहिली पोस्ट, पत्नीमार्फत दिला मेसेज

पोलीस ठाण्याच्या आवारात कापली नस

आपल्यासोबत झालेल्या अन्यायाविरुद्ध दाद मागण्यासाठी पीडित महिला गेल्या दोन महिन्यांपासून अथमलगोला पोलीस ठाण्यात चकरा मारत होती, परंतु पोलिसांनी तिची तक्रार नोंदवून घेण्यास टाळाटाळ केली. या त्रासाला आणि पोलिसांच्या उदासीनतेला कंटाळून पीडितेने पोलीस ठाण्याच्या आवारातच स्वतःच्या हाताची नस कापून आत्महत्येचा प्रयत्न केला. या धक्कादायक घटनेनंतर खडबडून जागी झालेल्या पोलिसांनी तात्काळ गुन्हा दाखल केला असून पुढील तपास सुरू केला आहे. पोलिसांनी सांगितले की, महिलेच्या अर्जाच्या आधारे कायदेशीर कारवाई केली जात असून प्रकरणाची सखोल चौकशी सुरू आहे.

हे ही वाचा : सोनम वांगचुक अन् दिल्लीतील आंदोलनावर अण्णा हजारे यांची प्रतिक्रिया; नेमकं काय म्हणाले?

कुटुंबियांचा वेगळा दावा

दुसरीकडे, आरोपीचे मोठे भाऊ अमित कुमार यांनी हे सर्व आरोप फेटाळून लावले आहेत. त्यांच्या मते, कुटुंबाला ही मुलगी पसंत नव्हती आणि ही बाब त्यांनी आधीच स्पष्ट केली होती. तरीही ती मुलगी त्यांच्या भावाशी संपर्क साधत होती आणि आता त्याचे दुसरीकडे लग्न ठरल्यामुळे ती सूडबुद्धीने खोटे आरोप करत आहे, असा दावा त्यांनी केला आहे. या संपूर्ण प्रकरणात पोलीस सध्या दोन्ही बाजूंची तपासणी करत असून, तथ्यांच्या आधारे पुढील कारवाई केली जाईल असे पोलिसांकडून सांगण्यात आले आहे.