अनैतिक संबंधाचा संशय, पत्नीची कात्रीचे वार करुन हत्या; घर बंद करुन पती फरार
crime news : पत्नीच्या कथित विवाहबाह्य संबंधांच्या संशयातून पतीने तिची कात्रीने वार करून हत्या केल्याची धक्कादायक घटना घडली. घटनेनंतर फरार झालेल्या आरोपीला पोलिसांनी तांत्रिक तपास आणि सीसीटीव्हीच्या मदतीने मुरादाबादमधून अटक केली.
ADVERTISEMENT
बातम्या हायलाइट
अनैतिक संबंधाचा संशय
पत्नीची कात्रीचे वार करुन हत्या; घर बंद करुन पती फरार
Crime News : पत्नीचे विवाहबाह्य संबंध असल्याचा संशय घेत एका पतीने तिच्यावर कात्रीने सपासप वार करून तिची हत्या केली. ही घटना घडल्यानंतर आरोपीने घर बंद करून घटनास्थळावरून पलायन केले. त्यानंतर पोलिसांनी तांत्रिक तपास, सीसीटीव्ही फुटेज आणि गुप्त माहितीच्या आधारे मुरादाबाद येथून आरोपीला अटक केली. पीटीआयच्या वृत्तानुसार, ही घटना 16 जुलैच्या सायंकाळी घडली. सायंकाळी सुमारे 7.32 वाजण्याच्या सुमारास गौतमपुरी भागात एका महिलेवर जीवघेणा हल्ला झाल्याची माहिती पोलिसांना मिळाली होती.
हेही वाचा : 'जिथे तर्क आणि तथ्य असतात..', पीएम मोदींचा युवकांना संदेश; '56 वर्षीय तरुणाला' टोला
महिला घरात रक्ताच्या थारोळ्यात आढळली
माहिती मिळताच पोलिसांचे पथक घटनास्थळी दाखल झाले. तेथे 45 वर्षीय महिला घराच्या आत रक्ताच्या थारोळ्यात पडलेली आढळून आली. तिला तातडीने जग प्रवेश चंद्र रुग्णालयात दाखल करण्यात आले. मात्र डॉक्टरांनी तपासणीनंतर तिला मृत घोषित केले. त्यानंतर सीलमपूर पोलीस ठाण्यात हत्येचा गुन्हा दाखल करण्यात आला आणि तपास सुरू करण्यात आला. पोलिसांनी गुन्हे शाखा तसेच फॉरेन्सिक सायन्स लॅबोरेटरीच्या पथकाला घटनास्थळी पाचारण केले. तज्ज्ञांनी घटनास्थळाची पाहणी करून तेथून महत्त्वाचे फॉरेन्सिक पुरावे गोळा केले.
हेही वाचा : दिल्लीतील विद्यार्थ्यांच्या आंदोलनात तोबा गर्दी, ड्रोनद्वारे घेतलेला व्हिडीओ पाहाच VIDEO
