'जिथे तर्क आणि तथ्य असतात..', पीएम मोदींचा युवकांना संदेश; '56 वर्षीय तरुणाला' टोला
pm modi monsoon session youth message : संसदेच्या पावसाळी अधिवेशनाच्या पहिल्या दिवशी पंतप्रधान नरेंद्र मोदी यांनी युवांना संदेश दिलाय. शिवाय विरोधकांना सकारात्मक भूमिका घेण्याचे आवाहन केले. यावेळी त्यांनी नाव न घेता '56 वर्षांच्या तरुणा'वरही टोला लगावला.
ADVERTISEMENT
बातम्या हायलाइट
'जिथे तर्क आणि तथ्य असतात..',
पीएम मोदींचा युवकांना संदेश; '56 वर्षीय तरुणाला' टोला
pm modi monsoon session youth message : संसदेच्या पावसाळी अधिवेशनाला सोमवारी सुरुवात झाली असून सत्ताधारी आणि विरोधकांच्या भूमिकेमुळे हे अधिवेशन गदारोळात होण्याची शक्यता व्यक्त केली जात आहे. जंतर-मंतर येथे आंदोलन सुरू असतानाच पंतप्रधान नरेंद्र मोदी यांनी संसद भवन परिसरात देशाला संबोधित केले. यावेळी त्यांनी देशातील युवकांना संदेश दिला. विरोधी पक्षांना संसदेचे कामकाज सुरळीत चालवण्यासाठी सकारात्मक भूमिका घेण्याचे आवाहन केले आणि कोणाचेही नाव न घेता '56 वर्षांच्या तरुणा'ला टोला लगावला.
हेही वाचा : दिल्लीतील विद्यार्थ्यांच्या आंदोलनात तोबा गर्दी, ड्रोनद्वारे घेतलेला व्हिडीओ पाहाच VIDEO
संसदेचे अधिवेशन फलदायी ठरो : नरेंद्र मोदी
पंतप्रधान मोदी म्हणाले की, हे अधिवेशन ऐतिहासिक ठरणार असून सरकार या सत्रात अनेक महत्त्वाची विधेयके मांडणार आहे. त्यांनी विरोधी पक्षांनी संसदीय कामकाज सुरळीत आणि विधायक पद्धतीने चालावे यासाठी सहकार्य करण्याचे आवाहन केले. "पावसाळा असो किंवा हिवाळी अधिवेशन, दोन्ही जर सक्रिय आणि परिणामकारक असतील तर त्याचा देशाच्या नागरिकांच्या कल्याणासाठी फायदा होतो. त्यामुळे पाऊसही सक्रिय राहो आणि संसदेचे अधिवेशनही फलदायी ठरो, अशीच प्रार्थना आहे," असे ते म्हणाले.
हेही वाचा : CJP च्या मोर्चाच्या पार्श्वभूमीवर कडक सुरक्षा, 5000 जवान तैनात; कलम 163 लागू
