महिलेला निर्वस्त्र केलं अन्...

या वादादरम्यान एका बाजूच्या लोकांनी दुसऱ्या बाजूच्या महिलेला लक्ष्य केले. आरोप आहे की, वाद वाढल्यानंतर संशयितांनी महिलेला घरातून ओढत रस्त्यावर आणले, तिला बेदम मारहाण केली आणि सार्वजनिक ठिकाणी तिचे वस्त्रहरण केले. अत्यंत क्लेशदायक बाब म्हणजे, ही घटना घडत असताना आजूबाजूला उपस्थित असलेले काही लोक केवळ तमाशा पाहत राहिले, तर काहींनी या घटनेचा व्हिडिओ आपल्या मोबाईलमध्ये रेकॉर्ड केला. हा व्हिडिओ सोशल मीडियावर व्हायरल झाल्यानंतर नगारामपालेम पोलिसांनी तात्काळ पावले उचलत गुन्हा दाखल केला असून पुढील कारवाई सुरू केली आहे.

हे ही वाचा : जळगाव: आदिवासी महिलेला गुंगीचं औषध दिलं, दोरीनं बांधून लैंगिक अत्याचार

मुख्यमंत्र्यांचा संताप

पोलिसांनी परिसरातील सीसीटीव्ही फुटेज आणि व्हायरल झालेल्या व्हिडिओच्या आधारे मुख्य आरोपींची ओळख पटवून त्यांना ताब्यात घेतले आहे. या घटनेवर आंध्र प्रदेशचे मुख्यमंत्री एन. चंद्राबाबू नायडू यांनी तीव्र दुःख आणि संताप व्यक्त केला आहे. कोणत्याही महिलेचा अवमान अजिबात सहन केला जाणार नाही आणि सुसंस्कृत समाजात अशा घटनांना कोणतेही स्थान नाही, असे स्पष्ट करत मुख्यमंत्र्यांनी सांगितले की, आरोपींना अटक करण्यात आली असून या घटनेत कथितरित्या सामील असलेल्या पक्षाच्या पदाधिकाऱ्याला तात्काळ निलंबित करण्यात येत आहे.

हे ही वाचा : शाळेच्या संचालकाच्या बायकोचे ड्रायव्हरसोबत अनैतिक संबंध; बेडवर विषारी साप सोडून खून

राजकीय पक्षाचा संबंध

राज्याचे मंत्री नारा लोकेश यांनीही या घटनेचा तीव्र शब्दांत निषेध केला आहे. राजकीय संबंध किंवा पक्षाचे पद आपल्याला वाचवू शकते अशा भ्रमात कोणीही राहू नये, असा इशारा त्यांनी दिला आहे. मुख्यमंत्र्यांच्या आदेशानुसार आरोपींवर कडक कारवाई करण्यात आली असून, संबंधित कार्यकर्त्याला पक्षाच्या सर्व पदांवरून हटवण्यात आले आहे. सध्या पोलीस या संपूर्ण प्रकरणाचा सखोल तपास करत असून, महिलेचा विनयभंग आणि मारहाण केल्याप्रकरणी विविध कलमांखाली गुन्हा दाखल करण्यात आला आहे. इलेक्ट्रॉनिक पुराव्यांच्या आधारे घटनेत सामील असलेल्या इतर लोकांचाही शोध घेतला जात आहे.