मूळव्याध बरं करण्याचं आश्वासन, खोलीत महिलेवर अत्याचार

हे ही वाचा : तरुणी रथयात्रेतून किडनॅप, प्रियकरानं जंगलात नेऊन संपवलं

मूळव्याधीच्या उपचाराचं कारण सांगितलं

घडलेल्या घटनेनुसार, पीडितेचा मेहुणा रेव सिंह आणि सतीपुरा येथील रहिवासी असलेला राकेश तिला मोटारसायकलवरून मनावर बस स्टँडवर घेऊन आला होता. महिलेला सांगितलं की, पिपलिया गावात धन्नालालच्या घरी कैलास नावाचा एक तांत्रिक राहतो, तो तांत्रिक विधींद्वारे मूळव्याधीवर उपचार करेल, असं सांगून पीडितेची फसवणूक केली. नंतर ते त्या महिलेला धन्नालालच्या घरी घेऊन गेले होते. 

महिलेवर लैंगिक अत्याचार

तांत्रिक कैलास धन्नालालच्या घरातील तिसऱ्या खोलीत आधीपासून राहत होता. आरोपी राकेश, रेवसिंह आणि धन्नालाल यांनी महिलेला आतच ठेवलं आणि बाहेरून दरवाजा बंद केला. खोलीत महिला एकटीच पाहून नराधम कैलासने तिला धमकावले, शांत बसण्यास सांगितले. मला जे हवंय ते करू दे अन्यथा विधीचा उलटा परिणाम होईल, असं म्हणत तिच्यावर लैंगिक अत्याचार केला. 

हे ही वाचा : CJP Protest Live Update : आंदोलकांना पांगवण्यासाठी अश्रूधुराच्या नळकांड्या फोडल्या, संसदेजवळ कडेकोट बंदोबस्त

या घटनेनंतर व्यथित झालेली पीडित महिला खोलीतून बाहेर पडली. तिने रेव सिंह, राकेश आणि धन्नालाल यांनी संपूर्ण प्रकाराची माहिती दिली. पीडितेला मदतीऐवजी त्या तिघांनी देखील तिला धमकावले की, जर याबाबत कोणाला काही सांगितल्यास तांत्रिक विधी करेन.