‘बेडूक कितीही फुगला तरी..’, BJP च्या जिव्हारी लागली जाहिरात; खासदाराने शिंदेंना सुनावलं!

भाजप खासदार बोंडेंची मुख्यमंत्री शिंदेंवर जहरी टीका

‘बेडूक कितीही फुगला तरी तो हत्ती होऊ शकत नाही.कालच्या जाहिरातीचा तो विषय संपला आहे. भाजपाचे कार्यकर्ते आणि जनतेच्या मनातील मी बोललो आहे. गेल्या सरकारमध्ये संजय राऊत नावाची व्यक्ती होती. त्याने शिवसेना बरबाद केली. त्याचप्रमाणे आताही कालच्या जाहिरातीमागे कुणी तरी आहे. त्याला भाजपा-सेना युतीमध्ये वितुष्ठ आणायचे आहे.’

हे ही वाचा >> ‘तुझ्या मरणानंतरच माझी सुटका होईल…’, आईला तडफडून संपवणाऱ्या मुलीची खळबळजनक कबुली

‘एकनाथ शिंदे यांना संपूर्ण भाजपने आणि सर्व लोकांनी स्वीकारलं आहे. पण त्यांचे सल्लागार त्यांना चुकीचे सल्ले देत आहेत. कारण ठाणे म्हणजे पूर्ण महाराष्ट्र नाहीए. उद्धवजी ठाकरेंना वाटत होतं की, मुंबई म्हणजे पूर्ण महाराष्ट्र आहे. आता एकनाथ शिंदे यांना वाटतंय की, ठाणे म्हणजे पूर्ण महाराष्ट्र आहे. खरं पाहिलं तर देवेंद्र फडणवीस हा असा चेहरा आहे की, जो बहुजनांसाठी काम करतो. सगळ्या गोष्टीला न्याय देण्याचं काम फडणवीसांनी केलं आहे.’ असं म्हणत डॉ. बोंडे यांनी एक प्रकारे मुख्यमंत्री शिंदेंवरच टीका केली आहे.

ती जाहिरात अन् फडणवीस नाराज?

दरम्यान, काल जी जाहिरात माध्यमांमध्ये प्रसिद्ध झाली त्यानंतर उपमुख्यमंत्री देवेंद्र फडणवीस नाराज झाल्याची जोरदार चर्चा ही राजकीय वर्तुळात रंगली होती. कारण फडणवीसांनी मुख्यमंत्र्यांसोबत असलेला त्यांचा कोल्हापूर दौरा अचानक रद्द करून टाकला होता.