Ajit Pawar: 'सुरेश धसला काय वाटतंय याच्याशी मला काही घेणं-देणं नाही', अजितदादा चिडले
Ajit Pawar vs Suresh Dhas: सुरेश धस यांना काय वाटतं याच्याशी मला काही देणंघेणं नाही. असं म्हणत अजित पवार यांनी धनंजय मुंडे यांच्या राजीनाम्याबाबत आपली प्रतिक्रिया दिली आहे.
ADVERTISEMENT
Ajit Pawar: मुंबई: मंत्री धनंजय मुंडे यांचा राजीनामा घेण्यात यावा यासाठी अंजली दमानिया यांनी थेट अजित पवारांची भेट घेतली होती. तसेच त्यांना काही कागदपत्रंही सुपूर्द केली. ज्यानंतर धनंजय मुंडेंचा राजीनामा घेण्यासाठी अजित पवारांवरील दबाव वाढला आहे. अशातच आज (28 जानेवारी) माध्यमांशी बोलताना अजित पवार यांनी बराच संताप व्यक्त केला. (i have nothing to do with what suresh dhas thinks ajit pawar got angry see what he said about dhananjay munde resignation)
जेव्हा अजित पवारांना भाजप आमदार सुरेश धस यांच्याबाबत विचारण्यात आलं तेव्हा ते अधिकच संतापल्याचे दिसून आले.
हे ही वाचा>> Dhananjay Munde : "देवेनभाऊ आणि अजितदादांनीच उत्तर द्यावं...", दमानियांच्या आरोपानंतर काय म्हणाले मुंडे?
'सुरेश धसला काय वाटतंय मला काही त्याच्याशी घेणं-देणं नाही. मी या सरकारमध्ये भाजपच्या बरोबर आहे. भाजपच्या वरिष्ठ नेत्यांशी मी चर्चा करत असतो. त्यांच्याशी चर्चा करून महायुतीचं सरकार व्यवस्थित काम करावं त्यामध्ये एकनाथ शिंदेंचीही महत्त्वाची भूमिका आहे.'
'आम्ही निर्णय घेताना प्रमुख लोकं बसतो आणि निर्णय घेतो. वेगवेगळ्या पक्षातील खालचे कार्यकर्ते बोलायला लागले तर त्याला काही अंतच राहणार नाही.' असं म्हणत अजित पवारांनी सुरेश धसांवरच निशाणा साधला.
हे वाचलं का?
