Ravindra waikar : ईव्हीएम अनलॉक करणाऱ्या फोनचा वायकरांच्या नातेवाईकाकडून वापर
Mumbai North West Lok Sabha : उत्तर पश्चिम मुंबई लोकसभा मतदारसंघातील निकालाला नवे वळण मिळाले आहे. वायकर यांच्या नातेवाईकासह दोन जणांविरुद्ध पोलिसांनी गुन्हा दाखल केला आहे.
ADVERTISEMENT
बातम्या हायलाइट
मुंबई उत्तर पश्चिम लोकसभा मतदारसंघ निवडणूक २०२४
रवींद्र वायकर यांच्या नातेवाईकाविरुद्ध गुन्हा
अमोल कीर्तिकर यांनी मतमोजणीबद्दल तक्रार केली आहे
Ravindra Waikar Amol Kirtikar : उत्तर पश्चिम मुंबई लोकसभा मतदारसंघातील मतमोजणी वादात सापडली आहे. शिवसेना (उद्धव बाळासाहेब ठाकरे) उमेदवार अमोल कीर्तिकर यांनी मतमोजणीबद्दल आक्षेप घेत निवडणूक आयोग आणि न्यायालयात धाव घेतली आहे. या प्रकरणाला आता नवे मिळाले असून, मुंबई पोलिसांनी नवनिर्वाचित खासदार रवींद्र वायकर यांच्या नातेवाईकासह दोन जणांविरुद्ध गुन्हा दाखल केला आहे. वायकर यांच्या नातेवाईकाने ईव्हीएम अनलॉक करणाऱ्या फोनचा वापर केल्याचे समोर आल्यानंतर पोलिसांनी एफआरआय नोंदवला. (Mumbai Police FIR Against Ravindra waikar relative Mangesh pandilkar)
मुंबई उत्तर पश्चिम लोकसभा मतदारसंघातून रवींद्र वायकर विजयी झाले. अमोल कीर्तिकर यांचा वायकर यांनी ४८ मतांनी पराभव केला. मतमोजणीवर आक्षेप अमोल कीर्तिकर यांनी आक्षेप घेतलेला आहे. दरम्यान, मिड डे इंग्रजी वृत्तपत्राने यासंदर्भातील वृत्त दिले आहे.
पोलिसांनी वायकरांच्या नातेवाईकाविरुद्ध दाखल केला गुन्हा
या प्रकरणात आता वनराई पोलिसांनी वायकर यांचा नातेवाईक मंगेश पंडीलकर आणि निवडणूक आयोगाचा एनकोर ऑपरेटर दिनेश गुरव यांच्याविरोधात गुन्हा दाखल केला आहे. पोलीस तपासात पंडीलकर ईव्हीएमशी जोडलेला मोबाईल वापरत असल्याचे आढळून आले आहे.
हेही वाचा >> नारायण राणे थेट म्हणाले, "मी कोकणातून शिवसेना संपवली.."
पोलिसांनी इतर उमेदवारांचे जबाब नोंदवले असून, लवकरच यासंदर्भात अटक वॉरंट काढण्यात येणार असल्याची माहिती सूत्रांनी दिली.
हे वाचलं का?
