Maharashtra Assembly: विरोधी पक्षनेता ठरला! काँग्रेसने नावावर केले शिक्कामोर्तब
विजय नामदेवराव वडेट्टीवार हे भारतीय राष्ट्रीय काँग्रेस पक्षाचे महाराष्ट्रातील महत्त्वाचे नेते आहेत. चंद्रपूर आणि गडचिरोली या नक्षलग्रस्त भागात त्यांना लोकांचा चांगला पाठिंबा आहे. काँग्रेसमध्ये येण्यापूर्वी ते शिवसेनेकडून आमदार होते.
ADVERTISEMENT
Vijay Wadettiwar news : विरोधी पक्षनेते असलेले राष्ट्रवादी काँग्रेसचे नेते अजित पवार भाजप-शिवसेना सरकारमध्ये सामील झाल्यामुळे विधानसभा विरोधी पक्षनेते पदाची जागा रिक्त झाली होती. राष्ट्रवादीचं संख्याबळ घटल्याने विधानसभेत काँग्रेसचा विरोधी पक्षनेता होईल, हे स्पष्ट झालं होतं. त्यानंतर आता काँग्रेसने निर्णय घेतला असून, विजय वडेट्टीवार हे यांच्यावर विरोधी पक्षनेते पदाची जबाबदारी सोपवण्यात आली आहे. दुसरीकडे महत्त्वाची गोष्ट म्हणजे बाळासाहेब थोरात हे विधिमंडळ पक्षनेते पदी कायम राहणार आहेत. (Congress elected Vijay Wadettiwar as opposition leader of Maharashtra legislative assembly.)
उद्धव ठाकरे यांच्या नेतृत्वाखालील महाविकास आघाडीचं सरकार कोसळल्यानंतर विरोधी पक्षनेते पदाची जबाबदारी अजित पवार यांच्यावर देण्यात आली होती. मात्र, 2 जुलै रोजी राष्ट्रवादी काँग्रेसमधील आमदारांच्या गटाने अजित पवारांच्या नेतृत्वाखाली बंड केलं. अजित पवार भाजप-शिवसेना युती सरकारमध्ये सामील झाले आणि उपमुख्यमंत्री बनले. त्यामुळे विधानसभेतील विरोधी पक्षनेते पद रिक्त झाले होते.
विजय वडेट्टीवार यांच्या नावावर शिक्कामोर्तब
राष्ट्रवादी काँग्रेसमध्ये उभी फूट पडली. त्यामुळे राष्ट्रवादीचे आमदार दोन गटात विभागले गेले. विधानसभेत विरोधी बाकांवर सर्वाधिक आमदार असलेला काँग्रेस सर्वात मोठा पक्ष असल्याने त्यांचाच विरोधी पक्षनेता होईल, हे स्पष्ट झाले होते. विरोधी पक्षनेते पदासाठी काँग्रेसमधील अनेक नेत्यांची नावं स्पर्धेत होती. यात काँग्रेसकडून विजय वडेट्टीवार यांच्या नावावर शिक्कामोर्तब करण्यात आले.
हे वाचलं का?
ADVERTISEMENT
पावसाळी अधिवेशन सुरु होण्यापूर्वीच विजय वडेट्टीवार यांची विरोधी पक्षनेते पदी वर्णी लागू शकते, असं म्हटलं गेलं होतं. काँग्रेसचे विधिमंडळ गटनेते बाळासाहेब थोरातांनी याला दुजोरा दिला होता. विजय वडेट्टीवार हे काँग्रेसचे नेते आहेत. त्यांची विरोधी पक्षनेते म्हणून निवडले जायला हवे. कारण त्यांना इतर सर्व विरोधी पक्षांचा पाठिंबा आहे.
कोण आहेत विजय वडेट्टीवार? (Who is Vijay Wadettiwar)
– विजय वडेट्टीवार (विजय नामदेवराव वडेट्टीवार) महाराष्ट्रातील काँग्रेसचे नेते आहेत. महाराष्ट्र सरकारमध्ये इतर मागासवर्गीय कल्याण, आपत्ती व्यवस्थापन, मदत आणि पुनर्वसन या खात्यांचे कॅबिनेट मंत्री म्हणून त्यांनी काम केलेले आहे.
ADVERTISEMENT
– वडेट्टीवार भारतीय राष्ट्रीय काँग्रेस पक्षाचे एक महत्त्वाचे नेते आहेत. चंद्रपूर आणि गडचिरोली या नक्षलग्रस्त भागात त्यांना लोकांचा मोठा पाठिंबा मिळत आलेला आहे. त्यांनी यापूर्वी शिवसेनेचे प्रतिनिधित्व केलेले आहे.
ADVERTISEMENT
– विजय वडेट्टीवार यांनी 1980-1981 मध्ये NSUI मधून राजकीय प्रवासाची सुरूवात केली. 1991-1993 मध्ये ते गडचिरोली जिल्हा परिषदेचे सदस्य म्हणून निवडून आले. 2010-2011 मध्ये त्यांची जिल्हा मध्यवर्ती सहकारी बँक चंद्रपूरच्या अध्यक्षपदी निवड झाली होती.
– विजय वडेट्टीवार हे 1998 ते 2004 पर्यंत शिवसेनेचे गडचिरोलीचे आमदार होते. 2008-2009 मध्ये वडेट्टीवार हे पाटबंधारे, आदिवासी कल्याण, पर्यावरण आणि वने राज्यमंत्री होते. 2009 मध्ये ते चिमूर मतदारसंघातून आमदार म्हणून निवडून आले. 2009 ते नोव्हेंबर 2010 पर्यंत ते सिंचन, ऊर्जा, वित्त आणि नियोजन संसदीय कामकाज राज्यमंत्री होते.
– 1996-1998 या काळात वडेट्टीवार यांनी महाराष्ट्राच्या वन विकास महामंडळाचे अध्यक्ष म्हणूनही काम केले आहे. 2008-2011 मध्ये त्यांनी महाराष्ट्र स्टेट को-ऑपरेटिव्ह बँक लि. महाराष्ट्राचे संचालक पदही भूषवलेले आहे.
– 2004 ते 2009 पर्यंत ते शिवसेनेचे चिमूर मतदारसंघातून महाराष्ट्र विधानसभेचे सदस्य होते. 2014 आणि 2019 मध्ये ते काँग्रेस पक्षाच्या तिकिटावर (Vijay Wadettiwar political career) ब्रह्मपुरी मतदारसंघातून आमदार म्हणून निवडून आलेले आहेत.
ADVERTISEMENT