Exclusive: BJP च्या कोअर कमिटी मीटिंगमध्ये मातोश्रीच्या 'त्या' बैठकीचा विषय, दानवेंनी दिली मोठी बातमी
Mumbai Tak Chavdi Raosaheb Danve: भाजपच्या कोअर कमिटीच्या दिल्लीतील बैठकीत मातोश्रीवरील बैठकीचा विषय निघाल्याचं विधान रावसाहेब दानवे यांनी केलं आहे. जाणून घ्या नेमकं काय म्हणाले.
ADVERTISEMENT
Raosaheb Danve: मुंबई: लोकसभा निवडणुकीत महाराष्ट्रामध्ये भाजप आणि महायुतीची बरीच पडझड झाली. त्याच गोष्टीचा आढावा हा दोन दिवसांपूर्वी दिल्लीतील केंद्रीय नेतृत्वाने घेतला. ज्यासाठी महाराष्ट्रातील भाजपच्या कोअर कमिटीला बोलावण्यात आलं होतं. ज्यामध्ये भाजपचे ज्येष्ठ नेते रावसाहेब दानवे यांचाही समावेश होता. खरं तर कोअर कमिटीच्या बैठकीत नेमकं काय घडलं हे अद्याप समोर आलेलं नाही... पण याच बैठकीतील एक मोठी बातमी स्वत: रावसाहेब दानवे यांनी मुंबई Tak चावडीवर बोलताना दिली.. (topic of amit shah and uddhav thackeray matoshree meeting in bjp core committee meeting raosaheb danve made big news)
2019 विधानसभा निवडणुकीनंतर अडीच वर्षाच्या मुख्यमंत्री पदाच्या मुद्द्यावरून भाजप आणि शिवसेना वेगळी झाली. त्यावेळी उद्धव ठाकरेंनी असा दावा केला होता की, लोकसभा निवडणुकीआधी अमित शाह यांच्यासोबत 'मातोश्री'वर जी बैठक झाली होती तेव्हा अडीच-अडीच वर्ष मुख्यमंत्री असा फॉर्म्युला ठरला होता.
हे ही वाचा>> Vijay Waddetiwar : ''सगेसोयरे टीकणार नाही मग जीआर कशाला काढताय''
दरम्यान, याच मातोश्रीच्या बैठकीचा विषय हा मंगळवारी (18 जुलै) दिल्लीत झालेल्या कोअर कमिटीच्या बैठकीत देखील निघाला. जे स्वत: रावसाहेब दानवे यांनी सांगितलं.
पाहा मुंबई Tak चावडीवर बोलताना रावसाहेब दानवेंनी दिली मोठी माहिती
प्रश्न: 2019 ला मातोश्रीवर अमित शाह आणि उद्धव ठाकरे यांच्यात झालेली बैठक हे गुपित एवढं मोठं आहे की, ज्याबाबत नेमकं सत्य काय हे अद्यापही महाराष्ट्राला कळू शकलेलं नाही.. तुम्हीही तेव्हा मातोश्रीवर होता.. याबाबत तुमचं व्हर्जन काय आहे?
हे वाचलं का?
