उकळत्या तेलातून नाणं काढ, हात भाजला नाही तरच तू पवित्र आहेस!

हा व्हिडीओ नेमका कोणत्या भागातला आहे, जुना आहे की नवीन आहे किंवा कोणत्या व्यक्तीचा आहे याबद्दलची माहिती अद्याप समजू शकलेली नाही. परंतू पारधी समाजातील लोकांना मुख्य प्रवाहात आणण्यासाठी गेली अनेक वर्ष काम करणाऱ्या सामाजिक कार्यकर्त्या सुनिता भोसले यांनी हा व्हिडीओ पारधी समाजातील धीज या अनिष्ठ आणि कुप्रथेचा असल्याचं सांगितलं आहे.

काय आहे धीज ही प्रथा??

पारधी समाजातील स्त्रीचे समजा एखाद्या परपुरुषाशी संबंध असले तर घरातील पुरुष आधी तिला याबद्दल जाब विचारतात. यात महिलेने जर आपले कोणासोबतही संबंध नसल्याचं सांगितलं तर तिचं खरेपण सिद्ध करण्यासाठी उकळत्या तेलात नाणं सोडून तिला ते नाणं हाताने बाहेर काढायला लावलं जातं. हे करत असताना महिलेचा हात भाजला नाही तर ती पवित्र आहे आणि जर तिचा हात भाजला गेला तर ती अपवित्र आहे असं समजलं जातं.