तुम्ही विचारही करू शकत नाही एवढं विचित्र राजकारण, NCP च्या विचित्र संघर्षाची भन्नाट Inside Story
राष्ट्रवादी काँग्रेसच्या दोन्ही गटांमध्ये वाढत्या अंतर्गत संघर्षामुळे विलिनीकरणाच्या चर्चांना पुन्हा वेग आला आहे. शरद पवार गट, अजित पवार गट, NDA, भाजप आणि संभाव्य राजकीय समीकरणांबाबत काय चर्चा सुरू आहे, जाणून घ्या.
ADVERTISEMENT
मुंबई: महाराष्ट्राच्या राजकारणात राष्ट्रवादी काँग्रेसच्या (NCP) दोन्ही गटांबाबत नव्या राजकीय घडामोडींनी मोठी चर्चा सुरू केली आहे. एका बाजूला शरद पवार यांच्या नेतृत्वाखालील राष्ट्रवादी काँग्रेस शरदचंद्र पवार पक्षात (NCP - SP) अंतर्गत अस्वस्थता वाढत असल्याची चर्चा आहे, तर दुसऱ्या बाजूला सत्तेत सहभागी असलेल्या अजित पवार यांच्या नेतृत्वाखालील (NCP)गटातही नेतृत्वाच्या प्रश्नावर मतभेद उघडपणे समोर येत असल्याचे संकेत मिळत आहेत.
या सर्व घडामोडींच्या पार्श्वभूमीवर दोन्ही गटांचे भवितव्य, संभाव्य विलिनीकरण आणि NDA मधील भविष्यातील भूमिका याबाबत राजकीय वर्तुळात तर्कवितर्कांना उधाण आले आहे. याचीच एक इनसाईड स्टोरी देखील आता समोर आली आहे.
महाराष्ट्राच्या राजकारणात एक प्रचंड आणि बहुआयामी राजकीय वादळ घोंघावत आहे. कारण राष्ट्रवादी काँग्रेसचे (NCP) दोन्ही गट एकाच वेळी आपल्या अस्तित्वाच्या गंभीर संकटाचा सामना करत आहेत. या घडामोडींची वेळ इतकी अचूक आहे की, राजकीय वर्तुळात एक महत्त्वाचा प्रश्न उपस्थित केला जात आहे. हा गोंधळ केवळ एक योगायोग आहे, की शरद पवार आणि भाजपच्या वरिष्ठ नेतृत्वामधील पक्षाच्या एकत्रीकरणासाठी आखलेली अत्यंत सुनियोजित आणि पूर्व-नियोजित रणनीती आहे?
शरद पवार गटात वाढते अंतर्गत दडपण?
सूत्रांच्या माहितीनुसार, शरद पवार यांच्या गटातील अनेक खासदार आणि आमदार राजकीय भवितव्य सुरक्षित करण्यासाठी सत्ताधारी NDA मध्ये जाण्याच्या पर्यायावर विचार करत असल्याची चर्चा आहे. त्यामुळे पक्ष नेतृत्वासमोर मोठे आव्हान उभे राहिल्याचे बोलले जात आहे.
