Lok Sabha Election 2024 : भाजपचं चार घटकांवर लक्ष! PM मोदींनी लोकसभा निवडणुकीचा अजेंडा केला सेट
पंतप्रधान मोदींच्या संपूर्ण भाषणात गाव, शेतकरी, मुस्लिम, भ्रष्टाचार, समान नागरी कायदा यावरच भर राहिला. मोदींच्या या चार घटकांचा आता निवडणुकीच्या अनुषंगाने अर्थ काढले जात आहेत.
ADVERTISEMENT
Lok Sabha Election, PM Narendra Modi : पंतप्रधान नरेंद्र मोदी यांनी मंगळवारी मध्य प्रदेशची राजधानी भोपाळमध्ये भारतीय जनता पक्षाच्या (BJP) बूथ स्तरावरील कार्यकर्त्यांना संबोधित केले. पंतप्रधान मोदींनी काही मुद्द्यांवर बोट ठेवत विरोधी पक्षांवर जोरदार हल्ला चढवला. पंतप्रधान मोदींच्या संपूर्ण भाषणात गाव, शेतकरी, मुस्लिम, भ्रष्टाचार, समान नागरी कायदा यावरच भर राहिला. मोदींच्या या चार घटकांचा आता निवडणुकीच्या अनुषंगाने अर्थ काढले जात आहेत.
पंतप्रधान नरेंद्र मोदी यांनी घराणेशाहीवरून विरोधी पक्षांवर निशाणा साधत तुम्हाला तुमच्या मुला-मुलींची काळजी वाटत असेल, तर भाजपला मतदान करा, असे आवाहन केले. घराणेशाही आणि भ्रष्टाचाराच्या मुद्द्यावरून पंतप्रधान मोदींनी विरोधी पक्षांना घेरले. तसेच युद्धाच्या काळातही महागाई नियंत्रणात असल्याचा दावा त्यांनी केला. पेट्रोलवरील उत्पादन शुल्कात दोनदा कपात केल्याचाही पंतप्रधानांनी उल्लेख केला आणि विरोधक विनाकारण सरकारवर टीका करत असल्याचा आरोप केला.
आयुष्मान भारत योजना आणि जेनेरिक औषधांच्या दुकानांमुळे लोकांकडून होणाऱ्या बचतीचे आकडेही पंतप्रधान मोदींनी सांगितले. पीएम मोदींनी कल्याणकारी योजनांबाबत लोकांमध्ये जाण्याचा संदेश दिला. पंतप्रधानांच्या संपूर्ण भाषण बघितले तर त्यात गावांचा विकास, शेतकरी कल्याण, मुस्लिम, भ्रष्टाचार आणि समान नागरी कायदा हेच केंद्रस्थानी राहिले.
ग्रामीण मतदारांवर लक्ष
2047 पर्यंत गावांचा विकास होईल तेव्हाच भारताचा विकास होईल, असे पंतप्रधान नरेंद्र मोदी म्हणाले. सरकारी योजनांच्या लाभार्थ्यांबाबत ते म्हणाले की, आमचा उद्देश एका योजनेचा लाभ कोणत्याही लाभार्थ्याला देणे नसून 100 टक्के सगळ्यांना देणे हा आहे. नागरिकांना कोणत्याही योजनेचा लाभ मिळण्याचा अधिकार आहे, ज्यासाठी तो पात्र आहे. पंतप्रधानांनी बूथ कार्यकर्त्यांना लाभार्थी कोणत्या योजनांसाठी पात्र आहे, हे पाहण्यासही सांगितले. यातून जनतेची सेवा होईल तसेच भाजपचे कामही होईल, असं ते सूचक बोलले.
हे वाचलं का?
