बघ्यांची घटनास्थळी गर्दी

मिळालेल्या प्राथमिक माहितीनुसार, टीपीएस कॉलनी भागात स्थानिक नागरिकांना हा तुटलेला मानवी पाय दिसून आला. हे विदारक दृश्य पाहताच नागरिकांच्या पायाखालची जमीन सरकली. ही माहिती वाऱ्यासारखी शहरात पसरली आणि बघ्यांची घटनास्थळी मोठी गर्दी जमली. हा प्रकार नेमका काय आहे आणि ही हत्या आहे की काही वेगळा अपघात, याबद्दल परिसरात तर्कवितर्क लढवले जात आहेत.

हे ही वाचा : तंबू उखडून फेकला, जंतर-मंतरवर रात्री भेदरलेल्या 'त्या' तरुणी

पोलिसांसमोर मोठे आव्हान

घटनेची माहिती मिळताच स्थानिक पोलिसांनी तातडीने घटनास्थळी धाव घेऊन परिसराची पाहणी केली. पोलिसांनी सदर मानवी पायाचा भाग ताब्यात घेतला असून, तो तपासणीसाठी रुग्णालयात पाठवण्यात आला आहे. हा भाग नक्की कोणाचा आहे आणि तो या परिसरात कसा आला, याचा शोध घेण्याचे मोठे आव्हान आता पोलिसांसमोर उभे राहिले आहे.

हे ही वाचा : जंतर-मंतरवर आंदोलक पुन्हा जमायला सुरुवात, जोरदार घोषणाबाजी सुरु

नागरिकांमध्ये घबराट

या घटनेमुळे परळी शहरातील सुरक्षेचा प्रश्न पुन्हा एकदा ऐरणीवर आला असून नागरिकांमध्ये तीव्र घबराट पसरली आहे. सध्या पोलीस या प्रकरणाचा सर्व बाजूने सखोल तपास करत असून, लवकरच यामागील सत्य समोर येईल असा विश्वास प्रशासनाकडून व्यक्त केला जात आहे.