पैसा-पाणी: ChatGPT चा नेमका कसा करायचा वापर?
AI कंपन्यांनी भारतात त्यांचे प्रीमियम AI प्लॅन मोफत आणले आहेत. पण याचा नेमका वापर कसा आणि कशासाठी करायचा हे आपण सविस्तर पणे जाणून घेऊया.
ADVERTISEMENT
गेल्या आठवड्यात, मी पैसा-पाणी या विशेष सदरात कंपन्या आपल्याला प्रीमियम AI प्लॅन मोफत का देत आहेत याबद्दल लिहिलं होतं. अनेक वाचक आणि प्रेक्षकांनी विचारले की, आम्ही AI चा वापर नेमका कसा करायचा? आज पैसा-पाणी सदरामधील विशेष ब्लॉग हा आपण दैनंदिन जीवनात AI किंवा आर्टिफिशियल इंटेलिजेंस कसं वापरू शकतो याबाबतच आहे.
ChatGPT म्हणजे नेमकं काय?
आपल्या सगळ्यांना Google वापरण्याची सवय तर आहेच, तर या समोर ChatGPT , Gemini किंवा Perplexity हे त्यापेक्षा वेगळं कसं आहे? तर हे समजून घ्या की, Google Search आणि ChatGPT या अशा दोन लायब्ररी आहेत की, ज्यात जगभरातील प्रत्येक विषयावरील, मोठ्या किंवा लहान स्वरूपाची पुस्तके आहेत.
जेव्हा तुम्ही Google वर सर्च करता तेव्हा ते तुम्हाला त्या विषयाशी संबंधित पुस्तकांची यादी देते. तुम्ही पुस्तकाची किंवा वेबसाइटची लिंक उघडता आणि ती वाचता. Chatgpt हे लायब्ररीत बसलेल्या प्राध्यापकासारखे आहे ज्याने सर्व पुस्तकं वाचली आहेत. तुम्ही एक प्रश्न विचारता (AIभाषेत एक Prompt), आणि ते बोली भाषेत उत्तर देतं. त्यामुळे तुम्हाला गुगलसारखे पुस्तक उघडण्याची आवश्यकता नाही.
तर, प्रथम, समजून घ्या की, तुम्हाला कोणत्याही AI चॅट बॉटवर तुमचं खातं सुरू करावं लागेल. आम्ही आधीच नमूद केले आहे की Google Gemini चे प्रीमियम व्हर्जन Jio आणि Perplexity हे Airtel यूजर्ससाठी आता मोफत करण्यात आले आहे. खाते तयार केल्यानंतर, तुम्हाला संभाषण सुरू करावे लागेल. तुम्ही स्वतःबद्दल सांगू शकता: तुम्ही कोण आहात? तुम्ही काय करता? तुम्हाला कोणते विषय आवडतात. जर तुमची लेखनशैली असेल, तर तुम्ही ते समाविष्ट करू शकता. या सगळ्या गोष्टी तो लक्षात ठेवेल.
हे वाचलं का?
