Saroj Ahire : अजित पवार नाशिकमध्ये पोहोचतात शरद पवारांना धक्का!
नाशिकमध्ये पोहोचताच अजित पवारांनी शरद पवारांना आणखी एक धक्का दिला आहे. देवळालीच्या राष्ट्रवादी काँग्रेसच्या आमदार सरोज अहिरे यांनी अजित पवार यांना पाठिंबा दिला आहे.
ADVERTISEMENT
Saroj Ahire MLA : शरद पवार यांच्या नेतृत्वाला आव्हान देत अजित पवारांनी बंड केले. त्यानंतर आता राष्ट्रवादी काँग्रेस पक्ष ताब्यात घेण्यासाठी अजित पवारांकडून प्रयत्न सुरू असून, नाशिकमध्ये पोहोचताच अजित पवारांनी शरद पवारांना आणखी एक धक्का दिला आहे. देवळालीच्या राष्ट्रवादी काँग्रेसच्या आमदार सरोज अहिरे यांनी अजित पवार यांना पाठिंबा दिला आहे. (MLA Saroj Ahire announced support to ajit pawar)
गेल्या 12 दिवसांपासून खातेवाटप रखडले होते. त्यामुळे अजित पवार हे मुंबईतच होते. खातेवाटप झाल्यानंतर अजित पवार यांनी महाराष्ट्रात फिरण्यास सुरुवात केली असून, शनिवारी (15 जुलै) ते नाशिक दौऱ्यावर आहेत. अजित पवारांच्या स्वागतासाठी देवळालीच्या आमदार सरोज अहिरे रेल्वे स्थानकावर हजर होत्या.
सरोज अहिरेंनी अजित पवारांना पाठिंबा का दिला?
नाशिक रोड रेल्वे स्थानकावर आमदार सरोज अहिरे आल्यानंतर माध्यमांनी त्यांना भूमिकेबद्दल प्रश्न केला. आमदार अहिरे म्हणाल्या, “माझा निर्णय झालेला आहे. जनतेचा कौल अजित पवारांच्या बाजूने आहे. मी जनतेची सेवक म्हणून अजित पवारांना जाहीर पाठिंबा देत आहे.”
वाचा >> “सुप्रिया सुळेंचं नाव येताच प्रफुल पटेल म्हणाले मी राजीनामा देतो”
“याचा उद्देश एकच आहे की, पुढच्या एक-दीड वर्षामध्ये जो माझा कार्यकाळ शिल्लक आहे, त्यामध्ये भरघोस निधी आणून मतदारसंघाचा विकास कसा करता येईल, हाच माझा दृष्टिकोन आहे. जनतेच्या वतीनेच मी अजित पवारांना पाठिंबा जाहीर करत आहे”, असं सरोज अहिरे यांनी सांगितलं.
