Nawab Malik : शरद पवार-अजित पवारांनी लावली ताकद; मलिकांसाठी इतकी चढाओढ का?
नवाब मलिक, अजित पवार, शरद पवार : शरद पवारांनी कॉल केल्यानंतर सायंकाळी उपमुख्यमंत्री अजित पवार यांनी दिलीप वळसे-पाटील, हसन मुश्रीफ यांच्यासह नवाब मलिक यांची भेट घेतली.
ADVERTISEMENT
Nawab malik news in marathi : राष्ट्रवादी काँग्रेसमध्ये फूट पडल्यानंतर गट वाढवण्यावर भर दिला जात आहे. राज्यातील संघटन मजबूत करण्यासाठी शरद पवार आणि अजित पवार गटातील नेते पक्षातील नेत्यांना आपल्या गटात घेण्यासाठी भेटीगाठी घेताहेत. याचं ताजं उदाहरण म्हणजे बुधवारी (16 ऑगस्ट) दोन्ही गटातील नेत्यांनी महाराष्ट्राचे माजी मंत्री नवाब मलिक यांची घेतलेली भेट.
उपमुख्यमंत्री अजित पवार स्वत: मलिक यांच्या घरी त्यांना भेटण्यासाठी पोहोचले. त्यानंतर अजित गटाचे छगन भुजबळ यांनीही मलिक यांची भेट घेतली. मलिक यांना भेटण्यासाठी शरद पवार गटाचे नेते अनिल देशमुखही पोहोचले. त्यांच्यासोबत पक्षाचे पदाधिकारीही होते.
नवाब मलिक (वय 64 वर्षे) यांना वैद्यकीय कारणास्तव सर्वोच्च न्यायालयाने गेल्या आठवड्यात अंतरिम जामीन मंजूर केला. मनी लाँड्रिंग प्रकरणात ते दीड वर्षापासून तुरुंगात होते. मलिक यांना सोमवारी (14 ऑगस्ट) मुंबईतील खासगी रुग्णालयातून डिस्चार्ज देण्यात आला आहे. मलिक दोन महिन्यांच्या अंतरिम जामिनावर आहे.
अंडरवर्ल्ड डॉन दाऊद इब्राहिम आणि त्याच्या साथीदारांशी संबंधित कथित प्रकरणात ED ने फेब्रुवारी 2022 मध्ये मनी लाँडरिंग प्रतिबंधक कायदा (PMLA) अंतर्गत मलिकला अटक केली होती. किडनीशी संबंधित आजारामुळे मलिक यांच्यावर मे 2022 पासून खासगी रुग्णालयात उपचार सुरू आहेत.
हे वाचलं का?
